أدوات كالي لينكساختبار الاختراق

شناهوا الامن المعلوماتي و الامن السيبراني ؟

شناهوا الأن المعلوماتي والأمن السيبراني ؟

سلام عليكم
قبل مانبدا بغيت غي نقوليكم بلي هادا ماشي المجال ديالي يعني عندي غي واحد الثقافة عامة عليه وقررت نكتب ليكم هاد الموضوع يعني يلا غلطت ولا نتمنى تصححو ليا الغلط وشكرا

الموضوع ديال ليوم غانهضرو فيه على أمن المعلومات او أمن السيبراني

اولا : شنو هو الأمن المعلوماتي او أمن المعلومات؟

الأمن المعلوماتي كيتعتابر من اهم المجالات في وقتنا الحاضر وهو علم من العلوم لي كتطور بسرعة كبيرة وانا متأكد تماما انه مني غاتسمع بهذا المصطلح غايمشي عقلك ديريكت يفكر فلي هاكرز ولي بيرات والإختراق ديال الابناك وكدا وكدا….ولكن اطط ابرو راك غالط وغانقوليك علاش
كيما كنعرفو كاملين انه فالقديم كانو الدول وشركات و و و كيحتافضو بالوثائق ديالهم غي فلوراق وكيخبعوهم ولكن دابا مع هاد التطور التكنلوجي ولاو هاد المعلومات كيتخزنو الكترونيا او سحابيا ولكن فالحالات بجوج  غانحتاجو لي يحمي لينا هاد المعلومات من التزوير والسارقين والمخترقين يا كانو مخزنين اوراق او إلكترونيا ، ومن هنا جا المصطلح ديال الامن المعلوماتي .

ثانيا: اشنو هو الأمن السيبراني؟

بلا شك مني كتسمع هاد الكلمة ديال السيبيراني كتنخلع وكتجيك شي حاجة لي كبييييرة ولكن نقدو نبدلو كلمت السيبراني  بكلمة إلكتروني يعني الأمن السيبراني هو الأمن الالكتروني
سو الامن السيبراني او الالكتروني هوا امن كيختص فأي حاجة متعلقة بالالكترونيات يعني اي حاجة الكترونية تيليفونك بيسي ديالك طوموبيلتك تلفازتك كلشي كلشي اي حاجة الكترونية ولكن انواع الالكترونيات كتختالف من جهاز لجهاز داك شي علاش كتختالف تا الحماية ديالو
خلاصة القول ان الامن السيبراني مهتم بأي حاجة الكترونية بما فيها تا امن المعلومات حيت غاتكون تا هيا الكترونية اما الامن المعلوماتي مهتم بامن المعلومات .

تهلاو

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock