تعلم الإختراق و فهم أساسيات هاذ المجال بطريقة سهلة للمبتدئين

بزاف باغي يتعلم للإختراق الأخلاقي ولكن معرفش كيفاش ، هدشي علاش جبت ليكم أحسن 5 ديال لقنوات يوتيوب لي كتلوح دروس فهد لمجال بواحد طريقة زوينة و بأسلوب ساهل فلفهم !
– JustProgramming :
يمكن بزاف منكم عارف بلي البرمجة هي ضرورية فمجال لإختراق ، و أصلآ لإختراق هو عبارة على إستغلال خطأ برمجي باش يمكن ليك تدخل للموقع ولا نظام ، هد لقناة هي من أحسن لقنوات لي كتلوح فيديوهات فتعلم لغات البرمجة و حتى تصميم ، و فيها بزاف ديال دورات لي مرفوعين على لقناة , ولكن حيداتها يوتيوب 🙁
– Hak 5 :
هد لقناة هي قديمة شي شوية عرفتها هادي عامين ، وهي تأسسات ف2005 يعني حسابيا 12 لعام وهي كتلوح فيديوهات تعليمية فمجال الإختراق ، و كيخدم فيها طاقم لي عارف شنو كيدير ، و كيشرحو تا كيفاش تعامل مع نظام اللينكس و شبكات و دكشي ..
لينك ( http://bit.ly/2vBY5Xf )
– PTWKL :
هي قناة زوينة ، ولإسم ديالها هو ختصار ” Penetration Testing With Kali Linux ” فيها بزاف ديال فيديوهات ديال لإختراق باستعمال نظام اللينكس ، وكتلوح تقريبا أسبوعيا دورات ف بزاف ديال لمجالات لي مختلفة .
لينك ( http://bit.ly/2vHm72f )
– DedSec :
هد لقناة تا هي من أحسن لقنوات فهد لمجال ولكن هادي عام تقريبا ملاحت شي فيديو جديد ، ولكن فيها فيديوهات واعرين و بطريقة ساهلة فتطبيق وميمكنش تلقى بحال لفيديوهات لي فيها فشي قناة اخرى .
لينك ( http://bit.ly/2gng5lm )
– iSecur1ty :
وأخيرا غادي نشرح قناة تعليم لإختراق باللغة العربية و كتلوح دورات واعرين بنفس اللغة ، ويمكن نقولو عليها أحسن قناة عربية كتشرح هد لمجال ولي كنتبعها شخصيا ، كنصحكم بيها خصوصا إلى مكانتش عندك اللغة ! .
لينك ( http://bit.ly/2wgk2he )
تال هنا غادي نكونو وصلنا لنهاية ديال هد لمقال .. كنتمنا يكون عجبكم