تقنيةثقافة عامة

دلالة الحروف و الأرقام الموجودة في معالجات Intel

كلنا كنعرفو شركة Intel المعروفة بالمعالجات و الرقاقات المشهورة ديالها المتعلقة بالكومبيتر و كذلك كتصنع تا الMotherboards (كارت مير) و بزاف الاليكترونيات لي متعلقين بالبيسي، ولكن بزاف ماكايعارفوش المعني تاع الحروف و الأرقام لي كايكونو في المعالجات فحال
core i7 8700K – core i5 7300U …
نبداو بالفئة:
كاينين عشرات الفئات ديال المعالجات ديال intel و من بين أشهرهم هي فئة الCore .. هاد الCore اسيدي فيها تا هي أنواع لي هوما
core 2 duo – core 2 quad – core i3 – core i5 – core i7 …
هاد النوع معروف بتعدد النوى ديال كل معالج ديالو.
و كل معالج و النواة ديالو فحال مثلا core i3 ثنائية النواة و كذلك core i5 و core i7 معالجات رباعية النواة و يمكن تكون تا ثمانية النواة .. شحال من واحد كايصحاب مثلا بلي core i7 فيه 7 النوى اولا core i3 فيه 3 النوى .. و هادشي غلط حيت شحال من واحد كايمشي بالو مع هاد البلان
ندوزو للجيل:
من فترة ل فترة كاتطلق شركة Intel مجموعة من الشرائح الجداد لي هوما الأجيال (Generation) فحال مثلا الشرائح لي خروجو في عام 2018 كايتسماو الجيل الثامن و كذلك لي خرجو في عام 2019 كايتسماو الجيل التاسع و هكذا .. وهاد الأجيال كاينة غير في معالجات
core i3, core i5 و core i7
يمكن ليك تحدد الجيل من الرقم اللول لي كاين في الطراز لي مكون من 4 الأرقام راه كاين في الصورة لتحت في الكومونطير اللول Gen Indicator .. فحال مثلا
Intel core i3 – 8250
إذن هذا لي سبق كاينتمي للجيل الثامن .. و بالنسبة للأرقام الثلاثة لي مورا الرقم د الجيل هادوك تقييم دايراهم intel باش تقارن بين المعالجات .. فحال مثلا Intel Core i3 – 8145U حسن من Intel Core i3 – 8109U حيت 145 كبر من 109
دابا ندوزو لدوك الحروف 🅰🅱🅾 لي كايكونو في اللخر:
كاينين بزااف الحروف لي كايكونو في اللخر ديال كل بروسيسور و كل حرف و علاش كايدل وهوما كاينقاسمو لجوج أنواع:
النوع اللول خاص بالبيسي Desktop
والثاني خاص باللابتوب Laptop
الأنواع ديال Desktop :
💡الحرف K: هاد المعالج كايوفر ليك أحسن أداء للبيسي حيث كتكون سرعة كبيرة و كايستهلك الطاقة بزاف و عندو واحد الميزة واعرة لي كاتخلي كاع الgamers ياخدوه هو أنه فيه إمكانية كسر السرعة (Over Clocked)
💡الحرف E: اختصار لكلمة Embedded، و كايدل على أن المعالج ديجا فيه شي نظام مثبت على الكارت مير
💡الحرف T: هاد النوع العكس ديال النوع الأول K
السرعة ديالو كتكون بطيئة و لكن ماكايستهلكش الطاقة بزاف
💡الحرف P: هادا كايكون غير في المعالجات Core 2
هاد النوع كايدل على أن البيسي مافيهش GPU
(كارط غرافيك Graphic card)
الأنواع ديال Laptop :
💡الحرف HQ: هادا عادة كايكون غير في البيسيات الواعرة لي كايكون الثمن ديالهم طالع، و أغلبية كايجي بأربع نوى و هو خيار ناضي ايلا كنتي باغي تشري شي لابتوب غير هو يقد يكون يستهلك الطاقة شي شوية
💡الحرف U: اختصار ل Ultra، هاد النوع متكايستهلكش الطاقة بزاف، و كايكون ثنائي النوى
و كايتعتابر من بين أبطئ المعالجات و من الأفضل تفاداه و ماتاخدوش
💡الحرف HK: هو معالج كايكون رباعي النوى
و كايتميز بأنه قابل لكسر السرعة Overclockable
💡الحرف Y: هاد المعالج فريد من نوعو حيت ماكايكونش في اللخر ديال دوك الأرقام هادا كايكون وسطهم. هاد الشريحة معروفة بالسلاسة ديالها في الاستعمال و كايتستعمل غير للمهام الخفيفة و مهروف بأنه ماكايستهلكش الطاقة بزاف
غير السلبية الوحيدة لي خايبة فيه هو أنه كايكون بلا مروحة ديال التبريد ..
بقلم: Mohammed Elhouate

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock