شنو هو الraspberry pi وشنو الاستعمالات ديالو ؟

هو واحد الكومبيوتر أو بيسي صغير الحجم ديالو قد التيلفون، الثمن ديالو هابط مقارنة مع البيسيات، يعنيه تقد تشريه بالادوات لي معاه بديك80 دولار والاثمنة كيتبدلو، هاد الراسبيري يمكن تركيو مع سكرين او الmouse او حتا الkeybord او لابغيتي تستعملو فشي بلان فالsecurity تشري مع الalfa wifi بحال لاكتشري كارد ريزو للبيسي ديالك..

يمكن لك تخدم بيه كيما بغيتي تخدم فيه شي browser وتكونيكطا بالانترنت وتخدم الفيديوات او تقرا الملفات…الخ

فاش كيتصنعو كدخل ليهم شركة نظام لينكسLinux مفتوح المصدر كنظام اساسي ولغة بايثون هي لغة رسمية باش تقد تبروگرامي شي مهمة يديرها الراسبيري

من المميزات ديالو انك مغاتحتاجش تكون تنين مجنح فالLinux يعني غاتعرف كل سكريبت مثلا بحالاش تخدمو فالterminal وكل مازدتي خدمتي بيه كيجيك ساهل

اول مرة تطلق ف2012، لحد الان كاين اصدار pi1 وp2 و p3 وكل وحدة فهاد 3 فيها جوج طرازات A و B، وكل ماطلعتي فالاصدارت كيتزادو مميزات بحال عدد المنافذ ديال الusb والram

هنا فين كتجي ديك المتعة فاش كتعرف شنو تقد دير بيه وشنو تقدر تصنع بالprogramming:

راديو: تقد تصنع بيه راديو غاتحتاج كابل وشي هوائي بحال دك لي فالفا ويفي وتقاد برنامج بسيط ببايثون

بوت: اه اسيدي كيما سمعتي تقد تصاوب بوت مثلا ديال تويتر كيقرا ليك مساجات كيتفاعل مع المتابعين وبزاف البلانات منهم الautomation والweb scraping هنا غاتخدم بالmodules لي فبايثون ديال beautefull soup الخ..

الربوت: هادي من الحوايج لي زوينين صراحة خاصك تعرف تخدم بالrasberry pi وpython وشي ادوات بساط وتقد تصاوب روبوت ديالك بحال طوموبيل كتحكم فيها بالتلفون..الخ

تحكم فشي اجهزة فدار، خاصك تعرف تعامل مع الLed ولا اي نوع اخر من هادوك الحساسات وتقاد بروكرام تبقا تجمع فيه المعلومات بحال درجة الحراة ديال الفران او الثلاجة امتا تكفيها وتشعلها وزيد وزيد وهنا فين كتخدم الابداع ديالك

من اكثر الاستعمالات ديالو مثلا تركب معاه الفا ويفي باش يجبد ليك شبكات لي بعاد بجودة هاربة، وتقد تخدم شي بروكرام باش تختارق الويفي air-cracking ولا wifislax مثلا سرعة ديالو عالية على البيسي لي تقد تبقا 10 سوايع ونتا وزهرك..

من الاستعمالات ديالو تاني وهنا فين غاندخلو فالhardware hacking يعني كتختارق الأجهزة ومن اشهر الامثلة هي اختراق الATM يعني سيستيم ديال الصراف الالي