تطبيقاتربح من الأنترنيت

كيفاش تربح مئات الدولارات بدون رأس المال

السلام عليكم 🏴🍻🍺
فهاد الموضوع غانهضروعلى الطباعة عند الطلب POD
هاد الضومين فيه ما يدار و فيه فلوس و هو تقريبا بحالو بحال Amazon KDP
المهم انعطيكم شويا د معلومات
هاد البلان كتبداه ب 0 درهم متحتاجش راس المال
شناهو هاد المجال؟
هاد المجال خاص بالطباعة ( ف التيشرت قبيات محفظات ……) ولكن انت مغتحتاج لا الات د الطباعة لا والو اتحتاج غا كونكسيون و العزيمة و créativité و بيسي او هاتف
هاد المجال غتخدم انت كا ديزاينر غتبقى تحط ديزاين ديالك و الشركات ايتكلفوا يطبعوه ف تيشرت او محفظة او او او …. على حساب طلب الزبون ومور ما يخلص الزبون الموقع كيدي الثمن باش طبع و التوصيل الى اخره وانت كتدي الثمن د الديزاين ديالك و يمكنلك تتحكم ف شحال غتربح داكشي مزال انتعمقوا فيه ان شاء الله
⭐🌟يمكنك لك تخدم ب بيسي اوا الهاتف
ولكن بالهاتف صعيبة شويا وفيها تمارة و مشاكل مهم انا نشرح على اساس تيليفون حيت فايت مجرب ب تيلي اما صحاب بيسي را باين البلان فوطوشوب و illustration ايقضيوا الغرض
مهم صحاب التيلي فالشرح باش طبقوا فتحوا كروم واكتيڤيوا المود ديال بيسي وقضيوا الغرض
مهم ماشي ضروري تكون كتعرف للديزاين و داكشي
حيت كاينين بزاف ديال الناس خدامين على على المقتبسات (Quotes)
○🌐 اول حاجة هي ايخصك الصبررررر و العزيمة
حيت يقدر تلوح 200 ديزاين ومتربح تا ريال ( هادشي كيرجع للكاليطي و النيش… هادشي مزال نهضروا عليه)
○🌐ثاني حاجة
هي يكون عندك حساب بنكي + حساب بايبال او بايونير
سووو اتمشي تفتح كونط ف بايونير و لا بايبال وتربطو ب كونط بونكير ديالك (المغربي) وهادشي ساهل
مهم انبداوا ب المواقع لي نخدموا بها كاينين عرااام ديال المواقع ولكن كيجيوا مرتبين على حساب الزوار د الموقع و عندنا فالمرتبة الاولى ميرش بي امازون – ريدبابل و موراها اتسي……) سو نبداوا
🌐اول موقع لي هو merch by Amazon
وهذا 90٪ مغتقبلش فيه لانه ماشي كتفتح كونط معهم ديريكت وكتبذا الخدمة
لا
كتدخل معلومات ديالك و كتصيفط لهم رسالة و كتسنى يردوا عليك يقدر توصل مدة الرد تال 3 اشهر و فالغالب مكيقبلوش الطلب ديالك
🌐ثاني موقع هو Redbubble (انشرح هاد السيت حيت هو لي رتاحيت فيه شويا فالخدمة و فيه مايدار كيجيني حسن من etsy w zazzle ..)


هاذ الموقع ماشي بحال الاول حيت يمكنلك تبدا فيه مباشرة مور ما تفتح كونط
كونط ساهل وعادي
كدخل معلومات ديالك الشخصية و معلومات بنكية ( كدخل المعلومات لي غيعطيوك ف بايونير ولا بايبال مور متفتح معهم كونط انا نخلي لك الشرح فالتصاور فين غتلقاوا دوك المعلومات ف بايونير باش تسجلوا بهم )
مور ما كتفتح كونط
مهم كتزوق بروفايل ديالك تصويرة بروفيل و سمية تكون عاطية للعين و تصويرة د الكوڤر و ديسكريبشن الخ ….
🌐كاتبرك على الايقونة ديال بروفيل وكتبرك على Créer un boutique
وكدير سمية المتجر ديالك
– دبا جا وقت الديزاين
وهنا كل واحد و جهدو
مهم انا فايت خدمت ب تيليفون ماشي بيسي
وكان داكشي كيطلع شويا عادي
المهم كنت كندخل نقلب على النيش “موضوع الديزاين ديالك” (الا بغيتوا ندير لكم عليه پوسط / فيديو عليه بوحدو )
مور مكتقلب على النيش و كدرسو كتدير فبالك ديزاين كي غديرلو
تصويرة معها شي كتابة و لا ….
مور ما كاتاخد فكرة على الديزاين كي غيكون
🌐كتمشي ل غوغل او شي موقع ديال صور مجانية ( ضروري خصك تأكد من حقوق الملكية )
🌐∆مور ما كتاخد صورة كيخصك تقاد ديزاين ديالك شخصيا بالهاتف كنت خدام ب بيكسارت و Pixlabe و Canva محبوب الجماهير
كيكون ديما العبار ديالها ناقص كتجي ف تيشرت صغيرة بزااااف
∆🌐خصنا شي حل باش نديرو Resize ل taille د الديزاين خصو يكون
(7 632 × 6 480 pixels )
وهنا كنت خدام بهاد السيت  : IMG2GO

🌐مهم مور ما كتقاد ديزاين ديالك وكتقاد taille li mtolba موراها خصك تردو على شكل vectors “يعني يولي بلا خلفية تلصقو على اي حاجة”
وهنا كنصحكم ب موقع : REMOVEBG ولكن هاد السيت كيخصك تفتح معهم كونط و كيعطيوك تمسح الخلفية ديال رسمة وحدة🤔🤔🤔امممم هنا ايخصك تحاول تقولبهم واخا ب تمارة سووو اتبقى تفتح كونط ف tempmail وتجي تشترك به ف هاذ السيت باش كل مرة تاخد خدمة مجانية 😎⁦💪🏻⁩
∆🌐 اذا مور مكنقادوا هادشي كيكون الديزاين ديالنا واجد و خصنا نحطوه على template و هادشي خدمة كيقدمها الموقع
كدخل كتبرك على ajouter une nouvelle œuvre (شوف الصور..) و كتختار للديزاين لي صوبنا
و موراها كتشوف كيجا مع التيشرت او الكاس او الكمامة…. الا بان لك صغير ولا مجاش العبار هو هذاك كتبرك على modifier وكتصغر وتكبر و تلون كيما بغيتي
و الا معجبكش مثلا ديك الكتابة تطبعها على شي برودوي تم كتبرك على désactiver كتلقها هي و موديفي تحت الطومبلايت ديريكت
∆🌐 ومور ما نقادوا الديزاين فوق طومبلايت ديال البروديوات لي بغينا جا الدور ديال العنوان و الديسكريبش و Tags ❌ و هادي بالظبط هاد طاݣ’s خصك تكون كتعرف علاياش كيقلب بنادم و les mots clés لي متعلقين بهاد الديزان
و لا ما يسمى ب le champ lexical ديال الديزاين ديالك مثلا نتا مقاد ديزاين على شي حاجة متعلقة ب كورونا را نورمالمون tags خصك دير (Corona covid-19 virus….)
يعني اي حاجى متعلقة ب هاد البرودوي
حيت كاين الزبون لي غيدير ف الروشيرش covid-19 وكاين لي غيدير مثلا corona virus يعني را بجوج كيقلبوا على نفس الحاجة غير هما سميات مختلفين لذلك خصك لي طاݣ ديما تحاول دير اكبر عدد ممكن ويكونوا متعلقين ب الديزاين باش ملي يطاپيوا شي حاجة من هاد الطاݣس ف روشيرش يطلع ديزايرن ديالك
وهذا مختصر لهادشي لاجيت نشرح غير النيش ايخصني مقال على قدو
سووو لا كنتو مهتمين انلوحلكم داكشي لي كنعرف وبس ⁦♥️⁩⁦♥️⁩
ماشي شي واحد لي خبرة مي فايت جربت⁦♥️⁩🥀

هادوا مواقع باش تاخدوا صور وافكار على ديزاين :
https://www.freepik.com/
https://www.pinterest.com
مهم هادشي لي جا فبالي فهاد الوقت الله يسهل على الجميع⁦♥️⁩ ⁦♥️⁩
تهلاوا⁦♥️⁩

بقلم : خالد اهيون

‫4 تعليقات

  1. جزاك الله ألف خير ، ممكن أخويا دير لينا شي فيديو تشرح فيه الطريقة حيتاش صراحة أنا كنلقى صعوبة أني نفهم بواسطة الكتابة 🙏🙏🙏😁

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock