الهندسة الاجتماعيةتوعية أمنيةثقافة عامة

ماذا تقول عنك قنوات الاخبار! ديرتيها حتى نتا؟

ماذا تقول عنك قنوات الاخبار! ديرتيها حتى نتا؟ ماخديتيش الامر بجدية؟ اوكي، وتحت طلباتكم فأجي نشرح ليك الخفاء ديال هادشي وبالتفاصيل .. وخد وقتك ومتع دهنك!
كيفما.كانعرفو انتشرت خلال الساعات الماضية لعبة “ماذا تقول عنك قنوات الأخبار” على الفيسبوك، وكتعرض معلومات غير حقيقية عليك او للمستخدم اللعبة فواحد الاطار كيحمل لوجو ديال “قناة الجزيرة”.
ونتاشرت هاد اللعبة انتشار واسع وبشكل كبير، غير أن المستخدمين ماخداوش الامر بجذية ومانتابهوش بانه أن فحال هاد التطبيقات كيتم إطلاقها بغرض جمع البيانات فقط ، نزيد نشرح ليك كتار بحكم تجربتي فهاد الميدان وخبرتي فمجال الماركوتينغ.
المهم كانلاحظو فمشاركة هاد اللعبة كتظهر شخصية المشارك بشكل فكاهي مثل “مليونير سارق قلوب العذارى. الخ… باش تزيد تحبب هاد اللعبة..
المهم أنه فحال هاد التطبيقات والألعاب الي كيستخدموها مستخدمي منصات التواصل الاجتماعي كتقدر انها تحصل وبكل سهولة على صلاحيات ديالك وتجمع بيانات مستخدم اي ديالك فهاد اللعبة من خلال هذا التطبيق بشكل سهل جدا وبالموافقة ديالك البليدة.
واضافة الى ذلك انه هاد الصلاحيات كتقدر توصل لحتى الصور المستخدم اي بالحساب الخاص بك وكافة بياناتك وحتى نمط استخدامك وخصوصا ملي كتربط فحال هاد التطبيقات مع مواقع التواصل الاجتماعي او حساب الشخصي ديالك الفيسبوك مما كيخلي لامكانية التعرف على الكثير من بياناتك الشخصية، وكذلك أن المستخدم او نتا مكاتعرافش الجهة الي كتستخدم هاذ البيانات وفين كتستخدمها .
و طبعا بحكم انك ماعندكش الخبرة فهاد المجال غاتقول ليا ” أوو مالها! شنو غايديرو بيا ݣاع ! مالي قاتل كينيدي!!
” لا ما قاتلوش لكن غي السداجة ديالك غاتخليك تتحول لسلعة و يتحكمو فيك كيفما بغاو بحال شي كارطون ديال الحليب بعدما عرفو كلشي عليك، شكون نتا شنو كتدير معاياش كتنعس شنو كاتستهلك شنو الرغبات ديالك و شحال نتا عبيط…. الخ ..
( تماما اتكون ديجا وقعلك هاد البلان: فبعض الاحيان كدخل لشي موقع ديال البيع مثلا وكتقلب على شي كاس باغي تشريه وشوية كترجع لفيسبوك كتلقاه طلاع ليك داك الكاس فشي اعلان وكاتقول اوووه واش كيتنصتو عليا؟؟ او ملي كادوز فالشارع قدام شي علامة تجارية كادوز شوية كتفتح الفيسبوك او يوتيوب كيطلع ليك نفس داك علامة التجارية!! ايوا هدا هو البلان والاساس ديال الموضوع ديالنا)
على اي حال نرجعو لموضوع ديالنا وبالضبط هاد اللعبة، المهم هاد الاختبار ديال الأخبار هو third part غادي يبيع البيانات الشخصية ديالك ل Datum, Genesis. Goldensat analytics. Cambridge analytica … لي هما بدورهم غادي يبيعوهم للمنتجين و فالمقابل غادي تولي نتا خاضع لواحد النوعية من الإعلانات حسب السلوك ديالك!! نتا عطيتيهم السوارت ديال راسك و وليتي مجرد رقم… دابا يمكن فهمتي مزيااان اش طاري واش واقع وفيقتي من الغفلة ليكنتي فيه!
🚨 دوزو بخييير وماتنساوش تبارتاجيو هاد المجهود مع ليكاتعرف ومع ليشفتيه دخال وشارك فحال هاد العاب. 🙏

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock