اختبار الاختراقاختراق المواقعمعلوميات

Capture The FLag

لCapture The FLag المعروفة ب CTF هيا مسابقة فCyber Security لي كيلتاجئ ليها اي واحد باغي يتعلم اولا يطبق داكشي لي كيتعلم و فيها تيخرج ديك الغريزة ديالو تجاه الهاكينغ، ctf تيديروه جهات متخصصة فلامن المعلوماتي و تتقدم جوائز و كاين شركات لي كيديرو بحال هاد تحديات و لي ربح ايتقدم لفرصة عمل حيت غا لي متكمن لي كيربح و كاين لي منها اونلاين و تتكون ساهلة باش تسجل و تلعب كيما بغيتي هاد سيتات تيقدمو ctfs اونلاين :
و كاين لي منهم تيدار فمؤتمرات سوا دوليا و لا عالميا مهم تيكون عندهم شي مؤتمر و كيتجمعو فيه عاد تيقصرو …
بحال
CTF DEFCON
Real world CTF
فهاد المسابقات تيكونو فيها مسابقات فردية و كاين لي عبارة على مجموعات teams تيتكونو من 2 تال 4 دناس .
تحديات ctf تتعتامد على 7 دلخبرات
1. Web Security
2. Cryptoghraphy
3. Digital Forensics
4. Malware Analysis
5. Reverse Engineering
6. Network Security
7. Miscellaneous
كاين لي كيحسبهم انواع مي لانواع د ctf غير 3
عندنا Jeopardy لي معروفة بززاف كيكون عبارة على مجموعة ديال تمارين اولا مهمات كل ما كملتي شي وحدة تتدي نقاط هاد المهمات تيكونو فمجال من المجالات 7 لي ذكرت و تيكون واحد الوقت معين ايخصك تسالي فيه ديك المهمة اولا راك خاسر .
وعندنا Attack-Defence هاد نوع لي ناضي و فيه تيفرغو الهاكرز الغرائز ديالهم بحيث كيكونو تيمات مجموعين و تتكون جامعاهم شبكة وحدة و كل تيم عندو جهاز ديالو ولا سيرفر عامر ثغرات و خاصهم يحميوه و فنفس الوقت يختارقو تيمات لاخرين لي مشاركين و تيم لي امن الجهاز ديالو و ختارق بزاف ديال لاجهزة هو رابح.
و عندنا النوع لاخير لي كيتسمى Mixed ممعروفش بزاف داير بحال jeopardy مي المهمات هنا معتامدين على الوقت عندك واحد لوقت تحل فيه 10 دلمهمات فساعة مثلا الا كملات ساعة بلا متحل هاد لمهمات كيعني خسرتي .
مسابقات ctf معروفين عالميا و كل نهار تيدارو مسابقات تقدر تدخل ل ctftime.org

تشوف لمسابقات لي تيدارو و تشارك علاش لا .

من بين اشهر مسابقات ctf لي تيدارو عالميا :
1. 0CTF/TCTF
2. GoogleCTF
3. DEF CON
4. Pwn2WIN CTF
5. RCTF
حتا لمغرب تيقدم ctfs :
1. Hack Knowledge
2. MCSC
3. OWASP APPSEC AFRICA
كنصحك متلعبش فديال لمغري قبل متوجد اسبرو و دواوات دراس را تيعصبو .
كنصحك ب tryhackme الا كنتي مبتدا غتستافد بزاف .
بقلم عبد الكريم مشكليطة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock