الكورسات المدفوعة

دورة في التجارة الإلكترونية : الحصة الأولى

الجزء الأول من الحصة الأولى :

السلام عليكم ورحمة الله وبركاته معاكم عبد العزيز الخزري 24 سنة من مواليد سنة 1997 بفاس خبير و مطور برمجيات وكذالك مصمم مواقع الويب أي أقوم بإنشاء و بحل المشاكل التقنية في الخوادم و المواقع وتطبيقات الهواتف و برمجة تطبيقات الحاسوب .
عندي خبرة ديال 8 سنوات في البرمجة لي أهلاتني باش نخدم مع شركات عالمية مثل ABC كمبرمج ومحلل بيانات والأن أعمل بشكل حر freelancer
وكذالك مانساوش الأهم لي هوا التجارة الإلكترونية لي دوزت فيها أزيد من سنتين لي كانت كافيا باش نتعلم ونحتارف مجال التجارة الإلكترونية لي صراحة فالأول كنت باغي غي نجرب ونعرف أشنا هي التجارة الإلكترونية ولكن ولله الحمد كانت تجربة لي ناجحة 100 في 100 وستافدت منها بزاف

هاد الدورة بغيت نشاركها معاكم لأني سبق و كنت درتها فدورة مغلقة وقلت علاش لي مانشاركهاش معاكم حتا نتوما
للإشارة فقط هاد الدورة خدات ليا وقت وجهد لي كبير لهاذا نتمانا تستافدو وتفيدو فنفس الوقت

على أي
المحاور لي غانتطرقو ليهم فهاد الدورة هوما
– الحصة الأولى : غانتعرفو على مفهوم التجارة الإلكترونية بشكل مفصل وبسيط بالإضافة إلى الإحصائيات الخاصة بعالم التجارة الإلكترونية وحجم الأموال المتداولة فيه وعلى مميزات التجارة الإلكترونية.
– الحصة الثانية : غانتعرفو على الإجابة التفصيلية لسؤال “ماذا أحتاج للبدء في التجارة الإلكترونية؟”
– الحصة الثالثة : كيف أفتح متجر إلكتروني خاص بك في المنصات العالمية.
– الحصة الرابعة : سوف تتعرف على مجموعة من الطرق السهلة والبسيطة لترويج وإنجاح متجرك.

مهم المحور لي غانهضرو فيه فهاد الأسبوع هوا غانتعرفو على مفهوم التجارة الإلكترونية بشكل مفصل بالإضافة إلى الإحصائيات الخاصة بعالم التجارة الإلكترونية وحجم الأموال المتداولة فيه وعلى مميزات التجارة الإلكترونية.

أولا أش نا هيا التجار

ة الإلكترونية التجارة الإلكترونية أو E Commérce هي عملية إجراء معاملات تجارية بحال بيع المعلومات والخدمات والسلع عن طريق شبكة الإنترنت، لأن التجارة الإلكترونية كتشمل العديد من النشاطات الاقتصادية الكبيرة، ولي كتكون متكونة من عمليات البيع والشراء بين الشركات والمستهلكين بالإضافة إلى المعاملات التجارية الداخلية لي كتدعم طبعا هاذ التجارة، ونقد نعطيكم أمازون و إيباي و ألي بابا كمثال

هنا البعض منكم غايسولني كيفاش بدات التجارة الإلكترونية التجارة الإلكترونية أول مرة بانت ف 11 غشت عام 1994 ميلادية فهاد نهار واحد السيد باع واحد سيدي قرص مضغوط لشي حد عن طريق hgموقع الموقع الإلكتروني NetMarketلي كيتعتابر حاليا أحد مواقع البيع بالتجزئة فميريكان وكانت هادي أول عملية تجارية عبر الأنترنيت ومن تما بدات كطور التجارة الإلكترونية تا وصلات لهاد المستوى لي كنشوفوه دابا

سو هادي نقطة النقطة الثانية لي غانتكلمو عليها هيا أنواع التجارة الإلكترونية
التجارة الإلكترونية فيها 4 ديال الأنواع لي قسموها المختصين على حساب الأطراف لي كتكون فعملية البيع والشراء هاد الأنوع هوما

النوع الأول (B2C) هاد النوع كيكون بين الشركة و لكليان هذا النوع من التجارة الإلكترونية معروف بأنه عملية بيع مباشرة ما بين الشركات والمستهلك لحقاش الشركة كتبيع سلعتها أو خدماتها مباشرة لكليا

النوع الثاني (B2B) هاد النوع كيكون بين الشركة و شركة أخرى هاد النوع مكيدخلش فيه لكليان حيت كتكون تجارة بين جوج شركات ولا كثر ولكليان علاش ميقدش يدخل فهاد النوع حيت التجارة ديالهم أو الصفقات لي كتكون بيناتهم كيديروها بملايين دولارات

النوع الثالث (C2C) هاد النوع كيكون بين لكليان و كليان هاد نوع باين وساهل نعطيكم مثال على أفيتو أولا ماركيت بلاس لي فايسبوك نتا ولا نتي عندك شي لعيبة بغيتي تبيعها غادخل لأفيتو غاتصورها وتلحها تما وغايتاصل بيك الشاري مباشرة

النوع الرابع (C2B) هاد النوع كيكون بين لكليان و والشركة هاد النوع أنا شخصيا كنخدم فيه بزاف بحكم المجال ديالي مثلا كنقاد شي تطبيق أولا شي تولز لي كيكون كيدير شي خدمة معينة وكنبيعو لشي شركة تخدم بيه ولي يقد ينفها

أو العكس شركات كيتاصلو بيا كيقولولي مثلا خاصنا تطبيق لشركتنا أو موقع إلكتروني واش تقادو لينا
هادي كذالك راها نوع من أنواع التجارة إلكترونية حيت كنتخلص مقابل نبيع ليهم شي خدمة ديالي

هنا سالينا من الأنواع ديال التجارة الإلكترونية …………………. ولكن واحد النقطة نسيت ما قلتها ليكم لي هيا ان التجارة الإلكترونية فيها بزاف ديال الأشكال
الأشكال هوما العلاقات والمعاملات المختلفا بين البايع وشاري حيت كتختالف أشكال التجارة الإلكترونية بالاعتماد على السلع والخدمات لي كتباع فهاذ المعاملات وغانذكر ليكم بعض الأمثلة باش تفهمو من بينها
البيع بالتجزئة و البيع بالجملة و الدروب شيبينغ أو الطرف الثالث و الإشتراك
سو أشنا هي البيع بالتجزئة البيع بالتجزئة هيا واحد العملية ديال البيع كتب بين الشركة والمستهلك مباشرة ومافيها تا شي وسيط بحال بانكود وعلي أكسبريس وكيربيست
أما البيع بالجملة هنا كيجي شي سيبلاير أو فورنيسور كيشري بزاف ديال السلعة من شي شركة وكيعاود فيها البيع بالحبة للكليان مثلا بحال ألي بابا
أما الدروبشيبينغ هنا كيكون وسيط بين البايع وشاري هاد الوسيط الدور ديالو واهوا كيوصل المنتج لشاري بطريقة من الطرق وكيربح معاه واحد النسبة غانعطيكم مثلا موقع نيوشيك
أما الإشراك فتتم هاد العملية عن طريق شراء المستهلك لمنتج أو شي خدمة إلكترونية طبعا مثلا سبوتيفاي ونيتفليكس

……. يتبع

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock