الكورسات المدفوعةعامة

دورة في التجارة الإلكترونية : الحصة الأولى الجزء الثاني

الجزء الثاني من الحصة الأولى :

دابا سالينا من مفهوم التجارة الإلكترونية ولي كنضن كلشي وضحتو وبنسبة الأخوالي لي باقي عندهوم شي إشكال فهاد النقطة يتفضل قبل منتاقلو الإحصائيات الخاصة بعالم التجارة الإلكترونية وحجم الأموال المتداولة فيه

دبا غانهضرو على الإحصائيات الخاصة بعالم التجارة الإلكترونية وحجم الأموال المتداولة فيه
غانعطيكم بعض الإحصائيات لي غاتعرفو بيها قوة التجارة الإلكترونية
أولا راه %96 من السكان لي فالولايات المتحدة الأمريكية شراو مرة وحدة على الأقل من الإنترنت يعني أزيد من 315 مليون واحد من أمريكا شراو من الأنترنيت و %51 منهم كيشريو من الإنترنت بشكل متكرر ومستمر وغي حنا هنا بيناتنا راه 100% غايكون شي حد فايت شرا من الأنترنيت
وكذالك كيتوقعو الخبراء بأنه يقد يوصل الاجمالي العالمي لحجم المبيعات من المتاجر لي كيبيعو بالتجزئة لمبلغ 4.5 تريليون دولار فنهاية هاد العام
وكذالك فراه الأغلب ديال ناس لي كيشريو من الأنترنيت ولاو كيقلبو على مواقع محلية لي يشريو منها مثلا حنا مني كنبغيو نشريو شي حاجة فراه أول موقع تانقلبو فيه وهوا جيميا
فنهاية سنة 2015، كان مايقارب 18 مليون مصري شراو من الإنترنت، هادشي لي خلا مصر هي أول دولة عربية في عدد الناس لي كيشريو من الإنترنت كتجي موراها السعودية ب 12 مليون واحد شرا من الأنترنيت فنفس السنة ثم الإمارات ب 7 مليون لأن هاد الدول مصر و السعودية والإمارات من أكثر الدول لي ولات كدير التجارة الإلكترونية بشكل لي كبير في المنطقة العربية هادشي لي خلا الخبراء يقولو راه من الممكن يتضاعف حجم سوق التجارة الإلكترونية في المنطقة العربية فهاد العام مقارنة بعام 2015
دابا غاندوزو لمميزات التجارة الإلكترونية وعلاش خاصكم تبداو فتجارة الإلكترونية وعلاش خاصكم تنصحو التجار لي كتعرفوهم باش تا هوما يبداو فيها
كتميز التجارة الإلكترونية ببزاف ديال لحوايد ولكن واحد الحاجة لي مميزة فيها وهي إمكانية الاستثمار والقيام بعمليات بيع والشرا خارج الحدود ديالك وديال المشتري يعني معندكش حدود تقد تبيع فين ما بغيتي ولمن ما بغيتي أوقت ما بغيتي وكذالك فكتوفر التجارة الإلكترونية تقريبًا جميع الموارد ليكيحتاجها البشر أي حاجة غاتقلب عليها غاتلقاها حيت الإنترنت كيوفر بزاف ديال سلع والمنتجات لي مايمكنش نحصيوها
وكذالك غانذكر ليكم ميزات أخرى ديال التجارة الإلكترونية من بينها تقد توسع فهاد المجال وتنشر السلع ديالك باش توصل إلى مختلف أنحاء العالم معندكش حدود نهائيا وماغاتلقا تا عائق باش توصل إلى المواقع الجغرافية البعيدة
بليس ماغاتبقاش تخسر لفلوس بزاف على سطور ديالك من غير باش غاتصاوبو المرة الأولى عكس المحل خلص الما خلص الضو بدل هادي بدل هادي صاوب هادي وهنا يلا كنت كدير التجارة الألكترونية وعندك سطور فراه كتنسى هادشي و بالإضافة كذالك كتوفر الوقت والجهد لطرفين بجوج لي كيبيع ولي كايشري .
وكذالك معندكش إلتزام بالوقت يعني المتجر ديالك كيبقا محلول داائما 24 ساعة على 24 ساعة يقد يدخل يشري فالوقت لي بغا هوا وغي من بيسي ديالو أو تيليفون ديالو
غانعطيكم مثال باش نبسط ليكم كثر
كيما شفنا مؤخرا فالحجر الصحي راه كاع المحلات سدو من غير المحلات ديال المواد الغذائية
هادوك لي سدو راه مبقاش عندهم مدخول فديك الفترة عكس ناس لي كانو عندهم محلات إلكترونية لي كانو خدامين وخدمو بشكل لي كبير حيت هما لي بقاو شادين سوق وأي واحد بغا يشري شي حاجة كان كيقلب عليها فالأنترنيت باش يشريها وانا شخصيا فالفترة ديال الحجر تاصلو بيا عدد لي كبير ديال ناس لي عندهم محلات تجارية وقالو ليا راه مبقيناش خدامين و باغيين يقادو متاجر إلكترونية ديالهوم وصراحة خدمت أزيد من 50 سطور لناس فالمغرب وخارج المغرب فديك الفترة
غانزيد نعطيكم مثال أخر
لنفترض أنه عندك محال واقعي فشي بلاصة وعندك لكليان مثلا شحال كاع يقدو يدخلو عندك ديال لكليان فنهار 100 200 500 كاع
لنفترض أنه دخلو عندك 500 واحد عندك للمحل ديال طبعا راه ماشي كلشي غايشريو راه واحد النسبة لي قليلة لي غاتشري مثلا 30 فالمئة لي هيا 150 واحد لي غاتعجبو شي حاجة وغاياخدها وغاتكون عندك واحد الروينة فالمحل وخاصك الخدامة لي يعاونوك وزيد وزيد وهادشي كامل على قبل 500 جا عندك للمحل
ولكن لا كان عندك متجر إلكتروني فراه الله يجعل يدخلو عندك تال 10 ألاف واحد فنهاد و يتقداو عليك مثلا 500 واحد من ديك ال 10 ألاف لي دخلو لسطور ديالك فراه غاتقد تجيريها بسهولة وتحكم فيها بدون أي مشكل أو صداع الراس لحقاش نتا مني غاتبغي تروج لسطور ديالك فراك كتحكم فأي حاجة أي حاجة تقد طيحليك على بالك مثلا بغيتي يدخلو عندك غي الشباب فراك غاتختار بلي نتا بافي غي الفئة بين 18 و 30 سنة لي يدخلو عندي مثلا بغيتي غي ناس ديال الناظور ونواحي لي يدخلو فراه غي هوما لي غايقدو يدخلو

يتبع …..

‫4 تعليقات

  1. شكرا أخي على هاد المعلومات ❤❤
    خويا نسولك شي طريقة تكراكي بيها RDP فابور بلاما تشريه ❤❤

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock