اختبار الاختراقتوعية أمنيةثقافة عامة

نظام scada وإختراق البنيات التحتية

اختراق البنيات التحتية ومحطات القطارات والحروب الالكترونية..

ديما كنسمعو اختراق البنيات التحتية ومحطات القطارات والحروب الالكترونية.. الخ
ومن اشهر الأحداث لي وقعو هو الاتحاد ديال امريكا مع اسرائيل فاش طورو واحد من اكبر المشاريع لي هو فيروس stuxnet ولي خسرو عليه لملايير باش قدو يستهدفو المحطة النووية الإيرانية ويحسبو البرنامج النووي ديالها..
دبا السؤال لي خاص يدور فراسك لاكنتي مهتم بالاختراق عامة.. بحالاش كيتختارقو البنيات التحتية والانظمة الكبار بحال هادو؟
باش تفهم الجواب ديال هاد سؤال خاصك تفهم مناش كتكون البنية التحتية ديال شي محطة او مصنع من الاساس؟
البنية التحتية هي واحد نظام كيجمع بين كاع الأجهزة وشبكات لي كتستخدمهم، وهاد شبكات مشي بضرورة تكون الانترنيت تقد تكون شبكات مادية بحال قنوات الصرف الصحي، شبكات المياه، القطارات، .. وبطبيعة لحال شبكات كتربط بين الاجهزة ديال الصانع ببعضياتهم مثلا الخ.. كنظن وصلت الفكرة..
دبا غانشوفو شنو هو نظام لي كيجمع هادو.. كيتسما نظام سكادا أو scada system
هو نظام لي كيتحكم فالبنية التحتية، على سبيل المثال كيتحكم فضخ المياه ودرجة الحرارة، والتعريف ديالو بالاساس هو واحد شبكة لي كتسيفط وتستقبل البيانات بين الاجهزة ديال الموظفين والخوادم، وبين الأجهزة لي كتحكم مباشرة بهاديك الأجهزة لي ذكرنا فلول
الاجهزة لي كتبرمج ولي كتواصل مع نظام scada كاينين منهم بزاف.. ومن أهم الأجهزة كاينين PLC اختصار لprogramming logic control جهاز التحكم المنطقي القابل للبرمجة، وهادا هو لي عندو دور رئيسي فربط بين السوفتوير والهاردوير يعني هو لي كيعطي الاوامر للآلات والاجهزة باش يديرو واحد الخدمة معينة، خودها فكرة تماما فاش كتبرمج واحد القطعة ديال الاوردوينو أو Raspberry Pi ..

نظام scada يمكن تحكم فيه من خلال برامج ديالو فالويندوز أو لينكس او طريقة المعروفة هي برامج HMI وهي اختصار لHuman Machine Interface

دبا النقطة المهمة لي بغيت ندوي عليها.. بحالاش كيتختارقو البنيات التحتية؟
باش أنك تختارق بنية تحتية او اكتر من بنية خاصك فالاول يكون عندك تحكم كامل سوا فالبيسيات ديال لمركز رئيسي وهنا كيكونو دوك موظفين خاصين بهادشي.. أو أنك تختارق شبكة من برا وكتكون عبارة عن موجات راديو وباش تختارقها خاصك أجهزة وبرامج خاصة بهادشي
وكيما دكرت فلاول ديال لبوسط أمريكا وإسرائيل قدو انهم يوثقو البرنامج النووي ديال ايران ودكشي عن طريق فيروس stuxnet لي خسرو عليه الملايير ديال دولارات.. طريقة باش تم الاختراق هي انهم دارو الفيروس فواحد الusb وعن طريق واحد العميل سري قدرو انهم يدخلو ديك اليوسبي فبيسي كاين فالمحطة النووية، وكيما الاغلبية كيعرف الفيروس كيقد ينشر راسو فشبكة بمجرد ما كدخل لكلي وهاكدا قدو انهم يضربو البيسيات ديال المحطة كاملة بداك الفيروس..
وقبل مدة من هاد البلان تكتاشف هاد الفيروس فبلاروسيا من طرف واحد الموظف فشركة ديال الامن المعلوماتي وبقاو شهور وهوما كيحللو السورس كود ديالو، وهوما كيقلبو فيه لقاو أن واحد الارقام كيتعاودو ديال اجهزة plc مصنعاهم شركة siemens.. يعني أن الفيروس فاش كيقد كختارق جدار الحماية ديال شبكة كيقد أنه يتحكم فأجهزة PLC لي هي المتحكم فالآلات صناعية وفهاد الحالة الآلات هوما المفاعلات النووية ديال المحطة النووية الإيرانية.. وهادا موضوع طويل بوحدو.
نتمنا تكون وضاحت ليكن صورة بحالاش كيتم اختراق البنيات التحتية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock