الهندسة الاجتماعيةتكنولوجياتوعية أمنيةثقافة عامةعامةمعلوميات

اكبر مشاريع التجسس

مشروع عين الله
هادا من اكبر مشاريع التجسس لي كاينين فالعالم من شحال هادي، المساهم الاكبر أو لي مؤسس المشروع هو شركة فيسبوك..
كلشي فراسو بلا شركة فيسبوك عندهم كاع المعلومات علينا لدرجة شي معلومات علينا حنا براسنا مغارفينهمش، غاتسولني كيفاش؟ تبع معايا
 
أولا شركة فيسبوك مشي هي الوحيدة لي كتستافد من البيانات ديالنا، حيت كيف كنعرفو ان فيسبوك كيستافدو من البيانات فترويج ديال المنتوجات والاعلانات.. دكشي علاش مثلا كتكون كتفكر انك تشري صباط مثلا تا كايطلع ليك اعلان ديال شي حذاء فشي بوسط.. هادو واحد من الخوارزميات الجد متطورة ديال تجسس وتحليل البيانات
كيف قلنا بأن شركة فيسبوك مشي هي الوحيدة لي كتستافد وانما كاين بزاف ديال الأجهزة الدولية.. ومنهم وكالة الأمن القومي CIA والFBI والمستفيد الاكبر هو البنتاغون الأمريكي
 
فسنة 2010 ناضو واحد 9 الاشخاص فالدولة الصهيونية اسرائيل وقادو خوارزميات معقدين ديال تحليل الصور والوجوه، مطابقة او قريبة للجهاز العصبي البيولوجي ديال دماغ الانسان، حيتاش دقة ديالو هي 93.57 فالمية ديال أنه يشد جوج صور ديال نفس الشخص كيشوف فاتجاهات مختالفين ويعطيك نتيجة واش هو نفس الشخص ولا لا، فحين أن القدرة ديال الجهاز العصبي ديال الانسان هي 97 فالمية.. هاد المشروع سماوه face*com وفسنة زاحدة قدر أنه يحلل مليار صورة يعني مليار شخص ويرعف تفاصيل ديال الوجوه ديالهم مشي غا هادشي وإنما يقدر يعرف حتا نفس الشخص واخت يتغير الوجه ديالو بسبب تقدم في السن.
هاد المشروع شراتو شركة فيسبوك من بعد بقيمة مليار دولار، وهو لي من بعد ولينا كنشوفوه مثلا فاش كتبغي تأكد الهوية كيطلعو ليك تصاور الاصدقاء وكيسولوك شكون هوما.. أو فاش كتصور مع صحابك كيطلعو ليك طاغيهم واخا نتا مكنتيش عازلهم او مطاغيهم..
 
نرجعو لمشروع فيسبوك ديال تجسس، باستعمال هتد الخوارزميات المعقدة ديال الذكاء الاصطناعي كيقدرو انهم يجمعو كاع المعلومات عليك بالتفاصيل، بحال امتا خرجتي امتا دخلتي بحالاش كتصور، فين كنتي فساعة الفلانية شنو هو روتين ديالك، شنو كتلبس بزاف، نوع الموسيقى لي كتعجبك،… وهادو غاشوية من بزاف.. كيشدو هاد المعلومات كاملين كيفصلوهم ويجمعوهم وكيستافدو منهم فجوج حوايج هوما رئيسيين..
 
أولا تجاريا: كيقدو أنهم يعرفو الاهتمامات ديالك ومن خلال هاديك الاهتمامات ودكشي لي كيعجبك كيطلعو ليك اعلانات باش تشري شي منتوج معين ديك ساعة غايكونو ستافدو منك بزاف وهادا هو اهم مصدر لب كيخلي شركة فيسبوك من بين اغنى الشركات فالعالم
 
ثانيا استخباراتيا وعسكريا: قلنا ان كاين اجهزة سرية وعلنية ديال امريكا ولكن لي خاصك تعرف انهم كاملين كيشدو المعلومات والبيانات الضخمة ديال الناس عن طريق شركة مختصة فتنقيب البيانات سميتها ITQ هادي ولكن لي خاصكم تعرفو انها فقط واجهة لمسير الحقيقي ديالها هي شركة او وكالة DRAPA لي مختصة فتنقيب البيانات بشكل اعمق بحيث أنهم كيشدو المعلومات وكيعطوها لاخصاء طب نفس باش يحللو السلوكات ديالنا وهادا غا شوية من دكشي لي كيقدو يعرفو علينا.. بالاضافة الى الFBI والCIA لي كان عندهم اصلا قواعد بيانات على سكان ولكن مكفاهمش دكشي وولاو على تواصل مع الITQ لي كتجمع البيانات من مواقع التواصل الاجتماعي
 
هاد الاجهزة لي دكرنا كاملين تابعين او كيقدمو المعلومات والبيانات للبنتاغون..
 
غايجي واحد غايقولك اصلا شغايديرو بيا لاختارقوني ولا تجسسو عليا شغايوقع كاع؟
 
هنا فاش كتفكر هكا كنستنتجو أنك اولا غاتكون مستخدم عادي للانترنيت ثانيا يعني مكتهتم لا برقابة لي كاتمارس عليك لا بالحرية ديالك يعني معندكش كرامة وكتقبل الاذلال..
 
بصفتك مستخدم وانسان عاقل خاص تعرف أنه يمكن ليهم يستافدو بزاف منك وديجا ستافدو من مواقع التواصل الاجتماعي مشي عاد غيستافدو،ودليل هو البروباغندا لي ولات كتمارس الاغلبية طرق ديالها عن طريق مواقع التواصل الاجتماعي.. فاهوما فاش كيعروفو العلاقات العاطفية ديالك ونقاط ضعف ديالك وشخصية ديالك بحالاش دايرة ونوع الموسيقى لي كتسمع فراه كيستاغلوهم كاملين باش تولي كتآمن بالافكار لي كيحاولو يزرعوها فينا حيت كيبقاو الاعداء ديالنا والهدف الرئيسي من التكنولوجيا المتطورة ديالهم هي أنهم يحاربو بها البلدان العربية.. مشي هادا هو الموضوع الرئيسي.. حاولت نشرح ليكم من دكشي لي بحث عليه وكنت عارفو شحال هادي
 
الهدف من البوسط هو التوعية الأمنية ومخاطر دكشي لي كتحط
 
 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock